Amazon

Tuesday, 28 July 2015

IK KAHANI LIKH REHA

ਇਹ ਕੁਝ ਲਾਈਨਾਂ ਕਾਫੀ ਚਿਰ ਤੋਂ ਥੱਕੇ ਆਪਣੇ ਮਨ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਵਿੱਚ ਹੀ ਲਿਖੀਆਂ ਗਈਆਂ ਤੇ ਸੋਚਿਆ ਕਿ ਸਾਂਝੀਆਂ ਕਰ ਹੀ ਲਵਾਂ। ਤੇ ਬਾਕੀ ਇਹਨਾਂ ਲਾਈਨਾਂ ਨੂੰ ਮੈਂ ਸਹੀ-ਗ਼ਲਤ ਦੀ ਤੱਕੜੀ ਚ ਨਹੀਂ ਤੋਲਿਆ।  ਜੋ ਹਨ ਓਹ ਲਿਖਤੀਆਂ।

ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕੀ ਕਰਾਂ ਕਿਰਦਾਰਾਂ ਦੀ ਘਾਟ ਏ। 
ਤੇ ਜਿੰਨੇ ਕੁ ਕਿਰਦਾਰ ਨੇ ਓਹਨਾਂ ਚ ਵਿਚਾਰਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ। 

ਹੀਰ ਰਾਂਝੇ ਵਾਂਗੂੰ ਮੈਂ ਵੀ ਕੋਈ ਇਸ਼ਕ਼ ਕਿਤਾਬੀ ਜੜਾਂ ,
ਮਨ ਦੀਆਂ ਮੋਈਆਂ ਸਦਰਾਂ ਨੂੰ ਮੁੜ ਤੋਂ ਜ਼ਜਬਾਤੀ ਕਰਾਂ ,
ਫ਼ਿਰ ਤੋਂ ਧੜ੍ਕਾਵਾਂ ਹੋ ਗਏ ਜੋ ਪਥਰੀਲੇ ਸੀਨੇ , 
ਪਰ ਕੀ ਕਰਾਂ ਪਿਆਰਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ।

ਦਿਲ ਤਾਂ ਮੇਰਾ ਵੀ ਕਰਦਾ ਕੋਈ ਜੱਗਾ ਕੋਈ ਸੁੱਚਾ ਸੂਰਮਾ ਜੰਮਾਂ ,
ਪੱਟਾਂ ਤੇ ਥਾਪੀ, ਮਾਰ ਕੇ ਬੜਕਾਂ ਸਾਰੀ ਦੁਨੀਆ ਥੰਮਾਂ ,
ਲਵਾਂ ਮੈਂ ਵੀ ਬਦਲੇ ਵਾਰ ਅਲ੍ਫਾਜ਼ਾਂ ਦੇ ਚਲਾ ਕੇ ,
ਪਰ ਕੀ ਕਰਾਂ ਤਕਰਾਰਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ। 

ਮੈਂ ਵੀ ਗੀਤਾਂ ਦੇ ਵੇਹੜੇ ਵਿੱਚ ਲਾਵਾਂ ਧੀਆਂ ਦੇ ਮੇਲੇ ,
ਮੁੜ ਵਸਾਵਾਂ ਜੋ ਸਦਿਓਂ ਲੰਘ ਗਏ ਵੇਲੇ ,
ਮੈਂ ਵੀ ਰੱਖ ਸ਼ਰਮ ਦਾ ਪਰਦਾ ਕੋਈ ਇਸ਼ਕ਼ ਚਲਾਵਾਂ ,
ਪਰ ਕੀ ਕਰਾਂ ਸਭਿਆਚਾਰਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ।

ਨਾਪਾਂ ਮੈਂ ਵੀ ਸਤਰਾਂ ਦੇ ਫੀਤੇ ਨਾਲ ਕੁਦਰਤ ਦੀਆਂ ਵਾਟਾਂ ,
ਲਿਖਾਂ ਬਿੱਲੀਆਂ ਦੇ ਰੋਣੇ ਤੇ ਗਾਉਂਦੀ ਬੁਲਬੁਲ ਦੀਆਂ ਬਾਤਾਂ ,
ਖਿਵਿਆਂ ਦੀ ਤ੍ਰੇਲ ਚ ਮਹਿਕਾਵਾਂ ਕੋਈ ਬਾਗ ਫੁੱਲਾਂ ਦਾ ,
ਪਰ ਕੀ ਕਰਾਂ ਵਾੜਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ।

ਰੋ-ਰੋ ਲਿਖ ਦਿਆਂ ਸਾਰੇ ਦੁੱਖ ਇਸ ਜਹਾਨ ਦੇ ,
ਲਫਜ਼ਾਂ ਲੇਖੇ ਲਾ ਦਿਆਂ ਸਾਰੇ ਸੁੱਖ ਇਸ ਜਾਨ ਦੇ,
ਖੁਦ ਰੋਵਾਂ ਤੇ ਸਬ ਨੂੰ ਰੁਲਾਵਾਂ ਭਰ ਕੇ ਅੱਖਾਂ ਦੇ ਛਲਾਵੇ ,
ਪਰ ਕੀ ਕਰਾਂ ਫਟਕਾਰਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ।

ਮੈਂ ਵੀ ਕੋਈ ਲੋਹ-ਕਥਾ ਲਿਖ ਕਿਸੇ ਕੀਰਤੀ ਦਾ ਮਾਨ ਵਧਾਵਾਂ ,
ਯਾਂ ਲਿਖ ਕੇ ਕੋਈ ਲੂਣਾ ਕਿਸੇ ਔਰਤ ਦੀ ਸ਼ਾਨ ਵਧਾਵਾਂ ,
ਦਿਲ ਤਾਂ ਮੇਰਾ ਵੀ ਕਰਦਾ ਬਣਾ ਕੋਈ ਸ਼ਿਵ ਯਾਂ ਪਾਸ਼ ,
ਪਰ ਕੀ ਕਰਾਂ ਦਿਲ ਤੇ ਪਈਆਂ ਮਾਰਾਂ ਦੀ ਘਾਟ ਏ। 
ਇੱਕ ਕਹਾਣੀ ਲਿਖ ਰਿਹਾ ਹਾਂ , ਪਰ ਕਿਰਦਾਰਾਂ ਦੀ ਘਾਟ ਏ।

( Ik kahani likh reha , par ki kra kirdaran di ghaat e ,
  Te jine ku kirdar ne ohna ch vicharan di ghaat e,
  Ik kahani likh reha , par kirdaran di ghaat e..

  Heer Ranjhe vangu main vi koi ishq kitabi jadaan,
  Man dian moyian sadran nu murh to zazbati karaan,
  Fir to dhadkavan ho gye jo pathreele seene ,
  Par ki kra pyaran di ghaat e.
  Ik kahani likh reha , par kirdaran di ghaat e..

  Dil ta mera vi karda koi Jagga koi Sucha Surma jamma,
  Pattan te thapi , maar ke badkan sari dunia thamma ,
  Lavaan mein v badle vaar alfazan de chala k,
  Par ki kra takraran di ghaat e.
  Ik kahani likh reha , par kirdaran di ghaat e..

  Mein vi geetan de vehde ch laavan dhian de mele,
  Murh vasaavan jo sadion langh gye vele,
  Mein vi rakh sharam da parda koi ishq chalavan,
  Par ki kra sabhyacharan di ghaat e.
  Ik kahani likh reha , par kirdaran di ghaat e..

  Naapan mein v satran de feete nal kudrat dian vaatan ,
  Likha billian de rone te gaundi bulbul dian baatan,
  Khivean di trel ch mehkavan koi baag phullan da,
  Par ki kra vaarhan di ghaat e.
  Ik kahani likh reha , par kirdaran di ghaat e..

  Ro-ro likh dyan sare dukh es jahan de,
  Lafzan lekhe laa dyan sare sukh es jaan de,
  Khud rovan te sab nu rulaavan bhar k akhan de chhalave,
  Par ki kra fatkaran di ghaat e.
  Ik kahani likh reha , par kirdaran di ghaat e..

  Mein vi koi Loh-Katha likh kise keerti da maan vadhavan,
  Ya likh k koi Loona kise aurat di shaan vadhavan,
  Dil ta mera vi karda bna koi SHIV ya PAASH ,
  Par ki kra dil te payian maaran di ghaat e ,
  Ik kahani likh reha , par kirdaran di ghaat e... )

No comments:

Post a Comment

Thanks for your valuable time and support. (Arun Badgal)