KARZ

ਕੱਲ ਦੀ ਰਾਤ ਬਹੁਤ ਹੀ ਸੋਚਾਂ ਤੇ ਖਿਆਲਾਂ ਵਾਲੀ ਨਿਕਲੀ ਤੇ ਓਹਨਾਂ ਖਿਆਲਾਂ ਚੋਂ ਹੀ ਇੱਕ ਖਿਆਲ ਨੂੰ ਟੇਢਾ-ਮੇਢਾ ਜਿਦਾਂ ਵੀ ਹੋ ਸਕਿਆ ਅਲ੍ਫਾਜ਼ਾਂ ਚ ਕੈਦ ਕਰਨ ਦਾ ਜਤਨ ਕੀਤਾ ਹੈ ਤੇ ਸਾਂਝਾ ਕਰ ਰਿਹਾ ਹਾਂ। 

ਕਿਦਾਂ ਆਜ਼ਾਦ ਹੋ ਫਿਰਾਂ ਮੈਂ , ਕਿਦਾਂ ਆਬਾਦ ਹੋ ਫਿਰਾਂ ਮੈਂ ,
ਖੁਦ ਮੈਂ ਖੁਦੀ ਦਾ ਦੋਸ਼ੀ ਹਾਂ ਹੁਣ ਤੁਹਿਓਂ ਦੱਸ ਕਿਦਾਂ ਬੇਬਾਕ ਹੋ ਫਿਰਾਂ ਮੈਂ।
ਮੇਰੇ ਮੋਢਿਆਂ ਉੱਤੇ ਇੱਕ ਫਰਜ਼ ਦਾ ਬੋਝ ਹੈ ,
ਤੇ ਮੇਰੇ ਸਿਰ ਉੱਤੇ ਇੱਕ ਕਰਜ਼ ਦਾ ਬੋਝ ਹੈ।
ਕਰਜ਼ - ਜਿਹੜਾ ਮੈਂ ਚੁੱਕਿਆ ਸੀ ਆਪਣੇ ਹੀ ਕਿਸੇ ਅਜ਼ੀਜ਼ ਤੋਂ ,
ਕਿ ਤੂੰ ਮੈਨੂੰ ਦੁੱਖ ਦੇ ਤੇ ਮੈਂ ਬਦਲੇ ਚ ਤੈਨੂੰ ਲਫਜ਼ ਦਵਾਗਾਂ।
ਉਸ ਜਿਓਣ-ਜੋਗੇ ਨੇ ਮੇਰੇ ਸ਼ਬਦਾਂ ਦੀ ਲਾਜ਼ ਰੱਖ ,
ਮੈਨੂੰ ਹਰ ਸੰਭਵ ਦੁੱਖ ਦਿੱਤਾ ਤੇ ਮੈਂ ਬਦਲੇ ਚ ਕੁਝ ਲਫਜ਼ ਵੀ ਨਾ ਦੇ ਸਕਿਆਂ।
ਤੇ ਜਦ ਕਦੇ ਵੀ ਮੈਂ ਕੋਸ਼ਿਸ਼ ਕਰਦਾ ਹਾਂ ਓਹ ਕਰਜ਼ ਚੁਕਾਉਣ ਦੀ ,
ਤਾਂ ਸੱਚ ਦੱਸਾਂ ਮੇਰੀ ਜ਼ੁਬਾਨ ਰੁੱਕ ਜਾਂਦੀ ਏ ,
ਤੇ ਹੱਥਾਂ ਨੂੰ ਜਿਵੇਂ ਅਧਰੰਗ ਹੋ ਜਾਂਦਾ ਏ ,
ਤੇ ਦਿਮਾਗ ਜਿਵੇਂ ਅਲ੍ਫਾਜ਼ਾਂ ਦੀ ਘੁੰਮਣ-ਘੇਰੀ ਚ ਫਸ ਜਾਂਦਾ ਏ ,
ਤੇ ਮੇਰੇ ਸਿਰ ਤੇ ਕਰਜ਼ ਇਨ-ਬ-ਦਿਨ ਵਧਦਾ ਹੀ ਜਾ ਰਿਹਾ ਏ।
ਸੱਚ ਦੱਸਾਂ ਤਾਂ ਕਿਸੇ ਦਿਨ ਇਸੇ ਕਰਜ਼ ਦੇ ਬੋਝ ਥੱਲੇ ਆ ਕੇ ,
ਮੇਰੀ ਸੋਚ ਨੇ ਖੁਦਕੁਸ਼ੀ ਕਰ ਲੈਣੀ ਏ ,
ਤੇ ਮੇਰੀਆਂ ਆਉਣ ਵਾਲੀਆਂ ਨਸਲਾਂ ਤੋਂ ਵੀ ਇਹ ਕਰਜ਼ ਚੁਕਾ ਨਹੀਂ ਹੋਣਾ।
ਤੇ ਹੁਣ ਤੁਸੀਂ ਦੱਸੋ ਏਸ ਪੁਸ਼ਤਾਂ ਦੇ ਕਰਜ਼ ਦਾ ਤਾਪ ਹੰਢਾ ਕੇ ,
ਕਿਦਾਂ ਆਜ਼ਾਦ ਹੋ ਫਿਰਾਂ ਮੈਂ , ਕਿਦਾਂ ਆਬਾਦ ਹੋ ਫਿਰਾਂ ਮੈਂ ,
ਖੁਦ ਮੈਂ ਖੁਦੀ ਦਾ ਦੋਸ਼ੀ ਹਾਂ ਹੁਣ ਤੁਹਿਓਂ ਦੱਸ ਕਿਦਾਂ ਬੇਬਾਕ ਹੋ ਫਿਰਾਂ ਮੈਂ।

( Kidan azad ho firan main, kidan abaad ho firan main,
  Khud main khudi da doshi haan hun tuhion dass kidan bebak ho firan main .
  Mere modyan utte ik farz da bojh hai,
  Te mere sir utte ik karz da bojh hai ..
   KARZ - Jehda main chukya si apne hi kise aziz ton ,
   Ke tu mainu dukh de te main badle ch tainu lafz davanga ..
   Uss jion-joge ne mere shabdan di laaz rakh ,
   Mainu har sambhav dukh dita te main badle ch kujh lafz vi na de sakya ...
   Te jad kde vi main koshish karda haan oh karz chukaun di ,
   Ta sach dsa meri zuban rukk jandi e,
   Te hathan nu jiven adhrang ho janda e ,
   Te dimag jiven alfazan di ghumman-gheri ch fass janda e ,
   Te mere sir te karz din-b-din vadhda hi ja reha e ...
   Sach dsa ta kise din ise karz de bojh thalle aa ke,
   Meri soch ne khudkushi kar leni e ,
   Te merian aun vaalian naslan ton vi eh karz chuka nai honaa...
   Te hun tusi dasso es pushtan de karz da taap hannda ke ,
   Kidan azad ho firan main, kidan abaad ho firan main,
   Khud main khudi da doshi haan hun tuhion dass kidan bebak ho firan main ... )

No comments:

Post a Comment

Thanks for your valuable time and support. (Arun Badgal)